National
13-anyos na estudyante, sinaksak ang 11-anyos na kamag-aral sa Davao City
Hinuli ang isang 13-anyos na estudyante matapos siyang manaksak ng isang 11-anyos na kamag-aral sa isang paaralan sa Davao City.
By GMA News79K reads

Hinuli ang isang 13-anyos na estudyante matapos siyang manaksak ng isang 11-anyos na kamag-aral sa isang paaralan sa Davao City.
Batay sa impormasyon ng GMA Regional TV, na iniulat sa Unang Balita nitong Huwebes, mapanonood sa video na pinalibutan ng pulisya ang nanaksak na estudyante, na may hawak noong kutsilyo.
Tinangka pa siyang pakiusapan na isuko ang kutsilyo ngunit hindi pumayag ang mag-aaral kaya umaksyon ang pulisya at inagaw ito sa kaniya.
Batay sa pulisya, ikinuwento ng 11-anyos na biktima na nagsusulat siya sa kanilang silid-aralan nang bigla siyang saksakin ng kapwa estudyante.



