Nagluluksa ang aktres na si Sue Ramirez sa pagpanaw ng kaniyang ina na si Concepcion “Chit” Dodd, nitong Lunes, Agosto 17.
Sa isang Instagram Story na nawala na, ibinahagi ng aktres ang isang larawan nilang mag-ina.
"Mahal na mahal na mahal kita," saadni Sue na may kasamang white heart.
Makikita naman ang aktres sa loob ng sasakyan habang umuulan sa isa pang Story.
"Kasabay kong umiyak ang langit," caption ni Sue na may broken heart emoji.
Nagbahagi rin ng tribute sa Facebook ang dating nobyo ni Sue na si Javi Benitez, na kinatawan ng Ikatlong Distrito ng Negros Occidental.
Ibinahagi ni Javi ang screenshot ng isang mensahe ni Chit na makikita siyang may hawak na bouquet ng mga bulaklak.