Nauwi sa trahedya ang pagkuha ng magkapatid na batang lalaki ng kangkong na kanilang uulamin mula sa isang palaisdaan nang malunod silang pareho sa Bayambang, Pangasinan.
Sa ulat ni CJ Torida sa GMA Regional TV One North Central Luzon nitong Miyerkoles, sinabing dakong 10:30 am nitong Martes nang nagtungo ang magkapatid na lalaki na edad 9 at 10 sa palaisdaan na hindi kalayuan sa kanilang bahay.
Kasama rin nila noon ang isa nilang pinsan na menor de edad din.