Iniimbestigahan ng Department of Education (DepEd) ang isang guro sa Mapandan, Pangasinan dahil sa pagpapainom umano sa dalawang estudyante ng softdrinks na may dura ng mga kaklase bilang paraan ng pagdesiplina. Paliwanag ng guro, tatakutin lamang sana niya ang dalawang mag-aaral, na lumalabas na naunang nagpainom sa kaklase ng inumin na may dura.
Sa ulat ni Jasmin Gabriel-Galban ng GMA Regional TV One North Central Luzon nitong Miyerkoles, ipinakita ang nag-viral na video sa pag-inom ng softdrinks sa dalawang mag-aaral na may dura umano ang iba nilang kaklase sa loob ng isang public school sa Mapandan.